सिन्धुपाल्चोक । इन्द्रावती गाउँपालिका–४ नवलपुरमा भृकुटी पार्क बन्ने भएको छ ।गाउँपालिकाको पहलमा बन्न लागेको उक्त पार्कको डीपीआर तयार भएको छ ।
पार्कको डीपीआर ग्रीन डिजाइन सोलुसन प्रालिका प्रबन्ध निर्देशक आर्किटेक्ट नवीन घिसिङको नेतृत्वमा तयार पारिएको गाँउपालीका अध्यक्ष बशंलाल तामाङले बताउनुभयो ।तिब्बतका राजा स्रंचङगम्पोले नेपाली चेली भृकुटीलाई बिहे गरेर त्यही बाटोबाट लगेकोले त्यसकै सम्झनास्वरूप पार्क निर्माण गर्न लागेको आर्किटेक्ट घिसिङले जानकारी दिनुभयो ।
भृकृटीलाई विहे गरेर यही बाटोबाट लगेको हुनाले सम्झनामा पार्क गाउँपालिकाले निर्माण गर्न लागेको हो ।१२ रोपनी जग्गामा निर्माण हुन लागेको उक्त पार्कको लागत करिब २ करोड रहेको छ ।
यसका लागि पर्यटन मन्त्रालयले बजेटसमेत विनियोजन गरिसकेको छ । पार्कमा योग, व्यायामसमेत गर्न मिल्ने गरी डिजाइन गरिएको छ ।गाउँपालिकामा आउने सेवाग्राही थकाइको महसुस भएका बेला विश्राम गर्न सकुन् भनेर पनि गाउँपालिककै छेउमा निर्माण गर्न लागेको बताईएको छ ।
