काठमाडौं,/ फूलमालासहित कुर्सीमा आसिन उनले अगाडी उभिरहेकालाई केही भनेजस्तो वा उनीहरुबाट केही सुनेजस्तो देखिन्छ । पछाडि एउटा तस्बिर प्रष्टसँग देखिन्छ–पृथ्वीनारायण शाहको ।
यो दृश्य हो आइतबारको । मधेश केन्द्रित दल र संघीयता विरुद्ध कडा रुपमा प्रस्तुत हुँदै आएका प्रदेश नम्बर २ को प्रमुखमा नवनियुत्त डा. राजेश (अहिराज) झाले कार्यभार सम्हाल्नुपूर्व कार्यकक्षमा पृथ्वीनारायण शाहको पूर्णकदको तस्बिर राख्न लगाए। त्यसपछि बल्ल कार्यभार सम्हाले ।
पृथ्वीनारायण शाह बिनाको नेपाल कल्पना हुनै नसक्ने बताउँदै उनले कार्यकक्षमा पृथ्वीनारायण शाहको पूर्णकदको तस्बिर राख्न लगाएका छन् ।
२ नम्बर प्रदेशको प्रमुखमा नियुक्त हुँदा उनको स्वागतका लागि विमानस्थलमा मुख्यमन्त्री लालबाबु राउतलगायत कुनै मन्त्री पुगेका थिएनन् । सरकारका तर्फबाट राज्यमन्त्री सरोजसिंह कुशवाहा गएका थिए
