इनरुवा,/ नेकपाको शुभेच्छुक संस्थाका रुपमा रहेको नेपाल निमाजती कर्मचारी संगठनमा आबद्ध निर्वाचन प्रकृयामा ओली पक्षले प्यानल सहित स्पष्ट जित निकालेको छ ।
केन्द्रीय राजनीतिमा गुटगत देखिएको अवस्थाबाट सुनसरीमा सम्पन्न निजामती कर्मचारीको निर्वाचन प्रकृया समेत अछुतो रहन सकेन । उक्त चुनावमा समेत स्पष्ट दुई खेमा देखिएको थियो ।
कर्मचारीहरु संगठनको आधिकारिक संस्थाका रुपमा खोलिएको राष्ट्रसेवक बहुमुखी सहकारी संस्था लिमिटेड मार्फत चुनावी मैदानमा होमिएका थिए ।
उक्त चुवनामा ओली र माधव–प्रचण्ड गरी स्पष्ट दुई खेमा चुनावी मैदानमा देखिएका थिए । जसलाई नेकपाभित्रका गुटगत नेताहरु समेतले चासोका रुपमा लिएका थिए ।
निर्वाचन प्रकृयामा ओली पक्षबाट अध्यक्षमा लेखनाथ पौडेल र माधव–प्रचण्ड पक्षबाट हिमाल श्रेष्ठ नेतृत्वको टोलीले भाग लिएका थियो ।
प्राप्त मत परिणाम अनुसार अध्यक्षमा लेखनाथ पौडेल विजयी भएका छन् । उनले ४ सय ५१ मत ल्याई जित हात पार्दा हिमाल श्रेष्ठ भने २ सय ५७ मतका साथ पराजित भएका छन् ।
त्यसैगरी उपाध्यक्षमा कुष्णकुमार नेपालले प्रतिस्पर्धी यादव भण्डारीलाई पराजित गरेका छन् । सचिवमा कुमार न्यौपानेले जित निकाल्दा उमेश गौतम पराजित भएका छन् । यस्तै कोषाध्यक्षमा ओली पक्षकै मोहन सुवेदीले निलकमल निरौलालाई हराएका छन् ।
खुला सदस्य तर्फ केशव कुमार श्रेष्ठ, कुलमणि बराल, रामदेव साह र परेश कुमार कर्णले जित हात पारेका छन् । यस्तै महिला सदस्य तर्फ मेनुका भण्डारी, तिलोत्तमा दाहाल र कोपिला कार्कीले जितेका छन् ।
लेखा तथा सुपरीवेक्षण समिति संयोजकमा ओली पक्षकै भोजराज खनाल बिजयी भएका छन् । उनले मणिराज पोखरेललाई हराएका छन् । महिला सदस्यमा जानुका खनालले जित हात पार्दा लेखा तर्फको खुला सदस्यमा भने राजकुमार श्रेष्ठ निर्विरोध भएका छन् ।
संचालक र लेखा तथा सुपरीवेक्षण समिति गरी कुल १४ पदका लागि भएको निर्वाचनमा १३ पद ओली पक्षले जितेको हो । एकजना भने निर्विरोध बिजयी भएका थिए ।
नेकपाको शुभेच्छुक संस्थाका रुपमा रहेको नेपाल निजामती कर्मचारी संगठन सुनसरीमा आवद्ध कर्मचारीहरु राष्ट्रसेवक बहुमुखी सहकारी संस्था लिमिटेड मार्फत चुनावी मैदानमा उत्रिएका थिए ।
