झापा, पुस २१ । प्रधानमन्त्री केपी शर्मा ओलीसमर्थक विद्यार्थी युनियनले झापामा वृहत कार्यकर्ता भेला सम्पन्न गरेको छ ।
अखिल नेपाल राष्ट्रिय स्वतन्त्र विद्यार्थी युनियन (अनेरास्ववियु) झापाले बिर्तामोडमा मंगलबार कार्यकर्ता भेला गरेको हो ।
भेलालाई सम्वोधन गर्दै नेकपा झापाका अध्यक्ष चिन्तन पाठकले मुलुकको वृहत्तर हितका लागि प्रधानमन्त्री केपी शर्मा ओलीले सही कदम चालेको भन्दै मुलुक अब निर्वाचनको दिशामा गइसकेकाले सम्पूर्ण विद्यार्थीलाई निर्वाचनको तयारीमा जुट्न आग्रह गर्नुभयो ।
नेकपाभित्र देखिएको अन्तरविरोधले जनसंगठन प्रभावित भइरहेका बेला झापाका १५ वटै पालिकाबाट विद्यार्थीको सहभागितामा कार्यक्रम सम्पन्न भएको हो ।
