राजतन्त्र पुनः स्थापना तथा हिन्दू राष्ट्रको माग गर्दै राप्रपाले प्रदर्शन गरेको हो । सभालाई सम्बोधन गर्दै पार्टीका अध्यक्ष कमल थापाले गणतन्त्र तथा संघीयता फेल भइसकेकोले देशमा राजसंस्था सहितको प्रजातन्त्र ल्याउनुपर्ने माग गर्नुभयो ।
राजसंस्था तथा हिन्दूराष्ट्र पुनःस्थापनाका लागि राप्रपा निरन्तर सडक संघर्षमा लागने उहाँको भनाइ थियो । नेकपा, नेपाली कांँग्रेस लगायतका दलले जनविश्वास गुमाइसकेको र जनताको अपेक्षा अनुरुप काम गर्न नसकेको आरोप पनि उहाँको थियो ।
राप्रपाले जनतासँग मिलेर सडकबाटै राजसंस्था तथा हिन्दू राष्ट्रको पुनः स्थापना गर्ने दावी पनि उहाँको थियो ।
संसद विघटन गरेर प्रधानमन्त्रीले जनताको विश्वास माथि कुठाराघात गरेको भन्दै अब जुन सुकै किसिमको संघर्ष गर्न तयार रहन उनले आहवान गर्नुभयो ।
