काठमाडौं । संसद विघटनसम्बन्धी रिटमा सर्वोच्च अदालतलाई राय दिन नेपाल बार एशोसिएसनले ३ जना कानुनविद चयन गरेको छ ।
बिहीबार बसेको बारको कार्यसमिति बैठकले वरिष्ठ अधिवक्ताहरु बद्रीबहादुर कार्की, सतीशकृष्ण खरेल र विजयकान्त मैनालीलाई एमिकस क्युरीको रुपमा चयन गरेको हो । बारका महासचिव लीलामणि पौडेलले सर्वोच्च अदालतले माग गरेअनुसार एमिकस क्युरीको रुपमा ३ जनाको नाम पठाइएको बताए ।
सर्वोच्च अदालतको उक्त इजलासले संसद विघटनविरुद्ध सर्वोच्च अदालत बार एशोसिएसनसँग पनि २ जना एमिकस क्युरी माग गरेको थियो । तर सर्वोच्च बारले भने एमिकस क्युरीका लागि नाम पठाएको छैन । आइतबारसम्म नाम सिफारिस गर्ने तयारी रहेको सर्वोच्च बारका सचिव सुभनराज आचार्यले जानकारी दिए ।
