नारायणी नदीको बहावले खतराको विन्दु पार गरेको हुदा सबै सतर्क रहन आग्रह

विगत तीन दिनदेखि परेको निरन्तर वर्षाका कारण आएको बाढीसँगै नदीको बहावले खतराको विन्दु पार गरेका छ । नारायणी बेसिन फिल्ड कार्यालय भरतपुरका प्रमुख जलविज्ञ रामविकेश रायका अनुसार नदीको उद्गम थलोतर्फ निरन्तर पानी परिरहेकाले सतह अरु बढ्ने अनुमान गरिएको छ । देवघाटमा रहेको बुधबार बिहान १० बजेर ३० मिनेट जाँदा नारायणीको सतह ८ दशमलव ०८ मिटर पुगेको हो । आठ मिटरभन्दा माथिलाई खतरा मान्ने गरिन्छ । यो घनमिटरमा १० हजार दुई सय २१ प्रतिसेकेण्ड रहेको थियो । यसअघि साउन ६ गते गत ४४ वर्ष यताकै सबैभन्दा बढी बहाव मापन भएको र त्यस दिन बिहान ९ बजे नदीको बहाव ९ दशमलव ९१ मिटर पुगेको थियो । नारायणी नदी बढेसँगै यसको प्रभाव भरतपुर महानगर र नवलपुर क्षेत्रमा पर्दछ । महानगर प्रमुख रेनु दाहालले नदी तटीय क्षेत्रमा उच्च सावधानी अपनाउन आग्रह गदै नदीको बहाव बढ्न सक्ने भएकाले सबैलाई सतर्क रहन अनुरोध गर्नुभएको छ छ ।