सप्तरीमा कोरोना संक्रमणबाट आइतबार साँझ नै मृत्यु भएको एक महिलाको शव अहिले सम्म उठेन !
सप्तरी जिल्लामा रुघाखोकी र ज्वरो आएपछि शुक्रबार राजविराजस्थित गजेन्द्रनारायण सिंह अस्पताल भर्ना भएकी महिलाको आइतबार दिउँसो कोरोना संक्रमण रिपोर्ट पोजेटिभ आएको उक्त महिलालाई आइसोलेशन केन्द्र पुर्याएलगत्तै आइतबार साँझ नै मृत्यु भएको छ । विष्णुपुर गाउँपालिका–३ की ६२ वर्षीया महिलाको आइतबार दिउँसो नै मृत्यु भएको भएता पनि उक्त महिलाको शव भने अहिलेसम्म उठेको छैन
गजेन्द्रनारायण सिंह अस्पतालका निमित्त मेडिकल सुपरिटेण्डेण्ट डा रणजीतकुमार झा का अनुसार सम्बन्धित स्थानीय तहले शव लैजान नसक्दा रातभरि शव आइसोलेशन केन्द्रमा नै रहेको छ । शव व्यवस्थापन नहुँदा मृतकका परिवारका सदस्य र गाउँले अस्पताल परिसरमा बसेका छन् । भने उनीहरुले शव व्यवस्थापन गर्न नसक्ने भए जिम्मा दिन माग गरेका समेत गरिरहेका छन् ।