कुलमान घिसिङको पुनः नियुक्तिको माग गर्दै उपत्यकामा प्रदर्शन !

जन न्युज नेपाल खवर प्रतिनिधि नमुना दहाल कार्की  काठमाडौँ!

काठमाडौँ / स्वतन्त्र नागरिक समूह र स्थानीय युवाहरुले नेपाल विद्युध प्राधिकरणको प्रमुख कार्यकारी  निर्देशकमा कुलमान घिसिङलाई पुनः नियुक्ति  गर्नुपर्ने माग गर्दै प्रदर्शन गरेका छन् । घिसिङको चार बर्षे कार्यकाल आइतबारबाट सकिएको थियो ।
राम्रो काम गरेर उज्यालो नेपाल बनाउन सफल भएका घिसिङलाइ चार  वर्षको कार्यकाल  पुरा भएपछि पनि पुन घिसिङलाइ नै नियुक्ति गर्नु पर्छ भन्दै   विभिन्न प्ले कार्ड र राष्ट्रिय झण्डासहित उपस्थित युवाहरुको समूहले कुलमानको पुनः नियुक्तिमा ढिलाइ गरेको आफ्नो मान्छेलाई बिद्धुत प्राधिकरणमा ल्याउन ठुलो चलखेल भएको  भन्दै सरकारविरुद्ध नाराबाजी गरेका छन् । उनीहरुले कुलमानलाई फेरि प्राधिकरणको जिम्मेवारी दिने गरी निर्णय गर्न सरकारको ध्यानाकर्षण समेत गराएका छन् । यदि अर्को व्यक्तिलाई प्राधिकरणमा  प्रमुख बनाएर ल्याइएमा शसक्त  रुपमा आन्दोलनमा उत्रिने समेतको सरकारलाई चेतावनी समेत दिएका छन् ।