जन न्युज नेपाल खवर प्रदेश न.२ संयोजक सागर हुमागाई !
रौतहट / हिरासतमा रहेका एक युवकलाइ यातना दिएका कारण मृत्यु भएको घटनामा पीडित परिवारले रौतहटका तात्कालिन एसपी सहित जिल्ला ६ जना प्रहरी बिरुद्ध जाहेरी दिएका छन ।
मृतक बिजय राम का बाबु पनिलाल रामले यातना र ज्यानसम्बन्धी कसूरमा अनुसन्धान गर्न रौतहटका तात्कालिन प्रहरी प्रमुख एसपी रविराज खड्का सहित ६ जना प्रहरी विरुद्ध जिल्ला सरकारी वकिल कार्यालयमा जाहेरी दिएका हुन् ।
हिरासतमा यातना दिएको भन्दै इलाका प्रहरी कार्यालय गरुडाका तत्कालिन डीएसपी ज्ञानकुमार महतो, जिल्ला प्रहरी कार्यालय गौरका प्रहरी निरीक्षक नवीन कुमार सिंह, सई वीरेन्द्र यादव, प्रहरी हवल्दार हिरोज मियाँ धुनियाँ र मुन्ना सिंह विरुद्ध जाहेरी दर्ता गराएका छन ।
आरोप लागेका प्रहरी प्रमुख खड्का हेडक्वाटर,र डिएसपी महत्तो जनकपुर तानिएका थिए भने प्रहरी निरिक्षक सिह र दुई हवल्दार निलम्वनमा परेका थिए ।
जाहेरी पछी जिल्ला सरकारी वकिलको कार्यालयले जिल्ला प्रहरी कार्यालयमा पठाएको जानकारी दिएको छ । साउन ३१ गते भएको निरन्जन रामको हत्याको आरोपमा पक्राउ परेका विजय रामको हिरासतमा रहेका बेला यातना दिएर उनको भदौ ११ गते उपचारको क्रममा मृत्यु भएको परिवारको भनाइ छ । दोषि माथी कार्वाहीको माग गर्दै जाहेरी दर्ता भएको दलित अगुवा धर्मेन्द्र पासवानले जन न्युज नेपाल खवरलाइ जानकारी दिएका छन ।एसपी खड्का रौतहटका तात्कालिन प्रहरी प्रमुख हुन् ।
