कोरोनाले वातावरण र जनजिवनमा पारेको प्रभाव !

जन न्युज नेपाल खवर नमुना दहाल कार्की !

विश्व अहिले कोरोना महामारी कोभिड १९ले गर्दा शिथिल छ । विश्वका कयौ शक्तिशाली राष्ट्रले नराम्रो संग यसको मारलाई खोप्नु परेको छ । नेपालमा पनि यसको प्रकोप दिनप्रति दिन तिव्र बनेको छ । भने , अर्का तिर रोग भन्दा पनि भोकले मान्छे मर्न थालेका छन् । नेपालमा कोरोना भाइरस संक्रमितहरुको संख्या बढ्दै जान थालेपछि सरकारले थप कडाइका साथ कार्यान्वयन गर्ने भन्दै निषेधाज्ञा जारी गरेको छ । कोरोना भाईरसको संक्रमणले गर्दा चार महिना लामो लकडाउन र एक महिना लामो निषेधाज्ञाले उपत्यकाको वातावरण त निकै रमणिय बनेको छ । तर जिवन भने निकै कष्टकर बनेको छ । जनजिवनको हित र संक्रमणबाट बाँच्न लकडाउनको घोषणा र निषेधाज्ञा गरेको भएता पनि आम जनता भने यसको प्रत्यक्ष मारमा परेका छन् । आम सर्बसाधारण घरबाट निस्कन नपाएपछि यतिबेला उपत्यकामा सुनसान बनेको छ ।

चोक चोकमा सुरक्षाकर्मी देखिन्छन् भने सडकको अवस्था हेर्दा सरसफाइमा भने निकै सुधार आएको जस्तो देखिन्छ । चिल्लो र सफा सडकमा नागरिक तथा अन्य कुनै साधान शुन्य मात्रमा देख्न सकिन्छ
यद्यपी बजार खुल्ने समयको निर्धारण गरेको छ । सर्वसाधारणहरु लगायत जो कोहिले निषेधाज्ञाको बेला अत्यावश्यक काम औषधि, खाद्यवस्तु खरीदजस्ता बाहेक कुनै पनि व्यक्ति घरबाट बाहिर निस्कन नपाउने व्यवस्था गरेको छ । यदि यस्तो बेला बिना काम बाहिर निस्के कारबाहि गर्ने व्यवस्था समेत गरेकोछ ।

देशमा अहिले पुरै निषेधाज्ञा रहेको छ । यो घडि भनेको संकटकाल को समय हो । अहिले तिनै तहको सरकारले आम नागरिकको गाँस बासँ र स्वस्थ्य सुरुक्षाको ग्यारेन्टी लिदै निषेधाज्ञाको शैली कसरी परिवर्तन गर्दा कोरोना र भोकमरी संग जुध्न सकिन्छ भन्ने बारेमा ध्यान दिन आवश्यक छ ।

क्यामेरामा निर्जन महतका साथमा जन आवाज टेलिभिजन रिपोटर नमुना दाहाल कार्की काठमाडौ ।