संवैधानिक नियुक्तिबारे छलफल गर्न नेकपा र कांग्रेस बीच सहमत !

जन न्युज नेपाल खवर विशेष प्रतिनिधि काठमाडौं !

१ भदौ, काठमाडौं । संवैधानिक अंगहरुमा खाली रहेका पदमा नियुक्तिका लागि छलफल अगाडि बढाउन सत्तारुढ नेपाल कम्युनिस्ट पार्टी (नेकपा) र प्रमुख विपक्षी नेपाली कांग्रेस बिचमा सहमति भएको  छ ।

नेकपा अध्यक्ष एवं प्रधानमन्त्री केपी शर्मा ओलीले सोमबार पार्टी अध्यक्ष पुष्पकमल दाहाल प्रचण्ड र कांग्रेस सभापति शेरबहादुर देउवासँग छलफल गरेका थिए ।

बालुवाटारमा भएको भेटमा प्रधानमन्त्री ओलीले संवैधानिक परिषद्को बैठक राख्न प्रस्ताव गरेका थिए । ‘यसबारे छलफल गर्ने भन्ने भएको छ’ भेटमा सहभागी कांग्रेस नेता रमेश लेखकले जन न्युज नेपाल खबर सँग भने ।

अख्तियार दुरुपयोग अनुसन्धान आयोगसहितका संवैधानिक अंगका केही पदमा पदपूर्ति हुन सकेको छैन ।

भेटमा कांग्रेस नेताहरुले कोरोना भाइरस (कोभिड–१९) को महामारी नियन्त्रण र बाढी पहिरोको बिषयमा सरकारको भूमिका प्रभावकारी नभएको समेत बताएका छन् । सो बिषयमा सरकारले आफ्नो जिमेवारी बाट पछी हटेको कांग्रेस नेताहरुको भनाइ रहेकोछ ।