रोशन ज्ञवाली
बर्दिया । राजापुर–गेरुवा समाज काठमाडौंद्वारा बर्दियाको राजापुर जिल्लास्थित राजापुर नगरपालिका र गेरुवा गाउँपालिकामा विभिन्न स्वास्थ्य सामाग्री हस्तान्तरण गरेको छ ।
कोरोना भाइरस (कोभिड–१९)का कारण विश्वभर लाखौ जनाको ज्यान गइसकेको र संक्रमितको संख्या पनि थुप्रै पुगिसकको छ । त्यसलाई मध्येनजर गर्दै समाजद्वारा केही मात्रामा स्वास्थ्य सामाग्री वितरण गरेको हो ।
राजापुर नगरपालिकाका स्वास्थ्य शाखा संयोजक गणेश अर्यालको रोहबरमा उक्त स्वास्थ्य सामाग्री वितरण गरिएको हो । स्वास्थ्य सामाग्री हस्तान्तरण पछि संयोजक अर्यालले यस महामारीमा पनि यस समाजले देखाएको अभूतपूर्व कार्यको खुलेरै प्रशंसा गर्नुका साथै काठमाडौंमा रहेर पनि यस क्षेत्रको माया उत्तिनै रहेको र सहयोग गरेकोमा आपूm निकै हर्षित भएको संयोजक अर्यालले बताए ।
स्वास्थ्य सामाग्री हस्तान्तरण यस राजापुर–गेरुवा समाजका सक्रिय सदस्य शिवराज पौडेल (माइला दाई) ले गरेको राजापुरका स्थानीय समाजसेवी एवं व्यापारी कमल रेग्मीले बताए ।
स्मरणरहोस् यस समाजले यस भन्दा पहिला पनि त्यस क्षेत्रका स्कुलहरुका विद्यार्थीहरुलाई विभिन्न पाठ्य सामाग्री समेत वितरण गरेको थियो ।