काठमाडौं । लकडाउनका कारण काठमाडौंमा अलपत्र परेकालाई स्थानीय सरकारले बसको व्यवस्था गरी गाउँ फर्काउन खोज्दा काठमाडौंबाट दोलखातर्फ गइरहेको मिनीबस रामेछापको मन्थलीमा दुर्घटना हुँदा करिब १५ जना सामान्य घाइते भएका छन् । बा २ ख ६८१८ नम्बर मिनिबस मन्थली नगरपालिका–६ कुनौरी मोडमा बुधबार बिहान ४ बजे दुर्घटनामा हुँदा २८ जना घाइते भएको जिल्ला प्रहरी कार्यालय रामेछापले जनाएको छ ।
घाइतेमध्ये तीन जनाको अवस्था गम्भीर रहेको छ। गम्भीर घाइतेमध्येका एकजनालाई काठमाडौंको ट्रमा सेन्टर ल्याइएको छ भने बाँकीको तामाकोसी सहकारी अस्पताल मन्थलीमा उपचार भइरहेको प्रहरी जनाएको छ । ब्रेक फेल भएर बस दुर्घटनामा परेको हो । बस देब्रेतिरको नालिमा खसेकाले ठुलो मानविय क्षतिहुनबाट जोगिएको छ ।