ललितपुर । नेपाल पत्रकार महासंघको महिला समितिले आयोजना गरेको मैन्त्रीपूर्ण फुटबल प्रतियोगिताको उपाधि प्रिन्ट मिडिया समूहले जितेको छ ।

एन्फा कम्प्लेक्स, सातदोबाटोमा शनिबार सम्पन्न‘ भएको फुटबल खेलमा महिला पत्रकार कोषका लागि एक गोल’ नारासहितको प्रतियोगितामा ट्राइबेकरमा अनलाइन मिडिया समूहलाई पराजित गर्दै प्रिन्ट मिडियाले ट्रफी उचालेको हो ।

प्रतियोगितामा अनलाइन मिडियालाई २–१ गोलले पराजित गर्दै प्रिन्ट मिडियाले उपाधि जितेको हो । खेल जारी रहेकै बेला रातपरेपछि खेल बीचमै रोकेर पेनाल्टीमार्फत विजेता घोषित गरिएको थियो ।

विजेता टोली प्रिन्टका लागि पून्यवती ढकाल र भाषा शर्माले गोल गरेका थिए भने अनलाइनका तर्फबाट मुना कार्कीले एक मात्र गोल गर्न सकिन्, अन्य खेलाडीले हानेको पेनाल्टीले गोलपोष्टको दिशा लिन सकेन ।

प्रतियोगितामा रेडियो र टेलिभिजनले संयुक्तरुपमा तेस्रो स्थान प्राप्त गरे । निर्धारित २० मिनेटको खेलमा दुवै टोलीले गोल गर्न नसकेपछि दुवै टोलीलाई तेस्रो भएको घोषणा गरिएको थियो । विजेता टोली रेडियोलाई १–० गोलले र उपविजेता अनलाइन टोली टेलिभिजनलाई २–१ ले पराजित गरी फाइनलमा पुगेका थिए

प्रतियोगितामा टेलिभिजन मिडिया र रेडियो समूह तेस्रो र चौथो भए । विजेता समूहलाई नेपाल पत्रकार महासंघका उपाध्यक्ष विपुल पोख्रेल, सचिब रामप्रसाद दाहाल, सचिब लक्ष्मी पुन, कोषाध्यक्ष राजेश मिश्रलगायतले ट्रफी तथा मेडल प्रदान गरे ।

प्रतियोगिताको उदघाटन गर्न आइपुगेका युवा तथा खेलकुद मन्त्री जगतबहादुर बिश्वकर्माले खेलकुद मार्फत पत्रकारहरुमा देखिएको एकताको प्रशंसा गरे । उनले पहिलो गोल गर्ने खेलाडीलाई १० हजार पुरस्कार पनि प्रदान गरे ।

दुःखमा परेका, उपचार गर्न नसक्ने पत्रकार महिलाहरुको सहयोगका लागि ‘पत्रकार महिला सहयोग कोष’ स्थापना गर्ने उद्देश्यले प्रतियोगिताको आयोजना गरिएको हो ।

फोटो  फिचर जन न्युज नेपाल  खबर डट कम जन आवाज मिडिया हब प्रालि द्वारा संचालित तपाई हामी सबैको सुचना आदान प्रदान गर्ने जन न्युज नेपाल खबर डट कम हो। हामी मुलत: खोज तथा अनुसन्धानमुलक समाचारमा विशेष ध्यान दिनेछौ। हामी समाचार विशेष तथा भरपर्दो स्रोत बाट प्रमाण को आधारमा लेख्नेछौ।तपाई पाठकहरुले दिएको सुझाव नै हाम्रो प्रेरणाको स्रोत हो। हामी तपाईं आवाज बिहिनहरुको आवाज लाई बुलन्द गर्ने तपाईं हाम्रो एक मात्रै अनलाईन मिडिया जन न्युज नेपाल खबर डट कम हो।तपाईलाई हाम्रो समाचार मन परेमा धेरै -भन्दा धेरै सेयर लाइक,र कमेन्ट गरिदिन नभुल्नु साथै हामीलाई हाम्रो “Youtube Channel”J N Nepal Khabar लाई पनि Subscribe गरिदिन नभुल्नु होला। धन्यवाद