जन न्युज नेपाल खबर डट कम सम्बादाता:

Puran kc
काठमाडौं, ९ वैशाख । त्रिभुवन अन्तर्राष्ट्रिय विमानस्थलबाट भएको ३३ किलो सुन तस्करी अभियोगमा पूर्व डिआईजी गोविन्द निरौला पक्राउ परेका छन् । गृह मन्त्रालयले गठन गरेको विशेष छानबिन टोलीले आइतबार बयान लिएपछि निरौलालाई नियन्त्रणमा लिइएको हो ।

विमानस्थलबाट बाहिरिएको ३३ किलो सुन काठमाडौंमा हराएपछि छानबिन गर्दा निरौला पक्राउ परेका हुन। सोही क्रममा सुन लुकाएको आरोपमा फागुन १८ गते मोरङका सनम शाक्यको हत्या भएको थियो । शाक्यको हत्या तस्करीहरुले नै करेन्ट लगाएको गरेको अनुसन्धानबाट खुलेको थियो ।

निरौला ३३ किलो सुन प्रकरणताका विमानस्थलमा प्रहरी इन्चार्जका रुपमा कार्यरत थिए । तस्करीमा सघाएको खुलेपछि उनलाई त्यहाँबाट हटाइएको थियो।
निरौलाले गत चैत २८ मा अवकाश पाएका थिए ।

सो घटनाको अनुसन्धानमा महानगरीय अपराध महाशाखाले लापरबाही गरेर तस्करलाई जोगाएको खुलेपछि गृह मन्त्रालयले छानबिन गरेको हो । जसक्रममा विगत ५ वर्षदेखि विमानस्थलबाट सुन तस्करी हुँदै आएको खुलेको हो । घटनामा संलग्न २२ जना पक्राउ परेको खबर जनन्युज नेपाल खबर का समचारदाता पुर्ण बहादुर खत्री ले बताउनुभयो।